Zee news

नियतीच्या मुलीच्या भूमिकेद्वारे अमरीन मल्होत्राचा ‘झी टीव्ही’वरील ‘अगर तुम ना होते’मध्ये प्रवेश! ‘झी टीव्ही’वरील ‘अगर तुम ना होते’ ही मालिका अभिमन्यू (हिमांशु सोनी) या एका श्रीमंत, देखण्या पण मानसिकदृष्ट्या अस्थिर तरुणाची आणि नियती (सिमरन कौर) या परिचारिकेची प्रेमकथा आहे. या मालिकेची कथा-संकल्पना आणि प्रमुख जोडीचा सहजसुंदर अभिनय यामुळे प्रेक्षक या मालिकेत गुंतून गेले असून आता कथानकाला मिळणार्‍्या कलाटणीने मालिकेत रंग चढेल. मालिकेच्या कथानकाचा काळ आता सहा वर्षांनी पुढे नेण्यात येणार असल्यामुळे अभिमन्यू आणि नियती यांच्या जीवनात मोठी उलथापालथ घडून आल्याचे प्रेक्षकांना पाहायला मिळेल. हृदयभंग आणि बेघर झालेली नियतीला एक नवजात बालिका एका मंदिराच्या पायरीवर सोडून दिलेली आढळते. नियती तिची सर्व जबाबदारी उचलते. पण तिला ही आपलीच मुलगी आहे, याची कल्पना नसते, हा कथाभाग गेल्या काही भागांमध्ये प्रेक्षकांना पाहायला मिळाला आहे. आता मालिकेच्या कथानकाचा काळ सहा वर्षांनी पुढे नेल्यानंतर नियती मिश्राची मुलीच्या रूपात अमरीन मल्होत्रा या बालकलाकाराचा मालिकेत प्रवेश करण्यात आला आहे. तिच्या प्रवेशामुळे प्रेक्षकांना भावनिक प्रसंग पाहायला मिळतील. या छोट्या मुलीमुळे अभिमन्यू आणि नियती हे पुन्हा एकत्र येतील का, हे पाहणे रंजक ठरेल. ‘झी टीव्ही’वरील ‘अगर तुम ना होते’ मालिकेत भूमिका साकारण्याची संधी मिळाल्यामुळे हर्षभरित झालेली अमरीन मल्होत्रा म्हणाली, “झी टीव्हीवरील अगर तुम ना होते मालिकेत नियतीची मुलगी नित्याच्या व्यक्तीरेखेद्वारे मला या वाहिनीवरील मालिकेत भूमिका साकारण्याची संधी मिळाल्यामुळे मी खूप आनंदात आहे. माझ्या सर्व सहकलाकारांकडून मला खूप काही शिकता येईल. पहिल्या दिवसापासूनच ते सर्वजण माझे खूप लाड करीत आहेत. चित्रीकरणादरम्यान ते सर्व मला अभिनयाच्या काही मूलभूत गोष्टी शिकवितात. या मालिकेसाठी भूमिका साकारण्यास मी खूप उत्सुक असून मला काम करताना खूप मजा येत आहे.” मालिकेच्या कथानकात नाट्यमयता येणार असली, तरी अभिमन्यू आणि नियती पुन्हा एकत्र येतील का? नियतीला एका नव्या रूपात आणि एका मुलीला वाढविताना पाहिल्यावर त्याची प्रतिक्रिया कशी असेल? जाणून घेण्यासाठी पाहा ‘अगर तुम ना होते’ सोमवार ते शुक्रवार रात्री 10.30 वाजता फक्त ‘झी टीव्ही’वर!